काठमाडौं, २९ चैत । राष्ट्रिय प्रजातन्त्र पार्टी -राप्रपा) भित्रको आन्तरिक विवाद चुलिएको छ ।
चुनावमा अपेक्षित नतिजा नआएको र अध्यक्ष राजेन्द्र लिङ्देनको एकलौटी कार्यशैलीप्रति असन्तुष्टि जनाउँदै असन्तुष्ट पक्षले मोर्चाबन्दी सुरु गरेको छ ।
आइतबार भएको भेलामा धवलशमशेर राणासहित नेताहरूले नेतृत्वको आलोचना गर्दै चुनावी असफलताको जिम्मेवारी नलिएको बताएका छन् ।
उपसभामुख उम्मेदवारीबारे छलफल नगरी निर्णय गरिएको भन्दै थप विवाद बढेको छ । असन्तुष्ट पक्षले महाधिवेशनमार्फत नयाँ नेतृत्व चयन गर्नुपर्ने माग गर्दै ३ बुँदे प्रस्ताव अघि सारेको छ ।
माग सम्बोधन नभए कडा कदम चाल्ने चेतावनी समेत दिइएको छ ।
