काठमाडौं, २८ चैत । नेपाल पत्रकार महासंघले निजी सञ्चारमाध्यमलाई सरकारी विज्ञापन नदिने निर्णयप्रति असन्तुष्टि जनाउँदै संघीय संसद्मा रहेका प्रमुख राजनीतिक दलहरूको ध्यानाकर्षण गराएको छ।
महासचिव Ram Prasad Dahalका अनुसार शनिबार विभिन्न दलका शीर्ष नेताहरूलाई पत्र पठाएर उक्त निर्णयविरुद्ध संसद्मा आवाज उठाउन आग्रह गरिएको हो।
पत्र Nepali Congress, Communist Party of Nepal (UML), Rastriya Swatantra Party, Rastriya Prajatantra Partyलगायत दलहरूलाई पठाइएको जनाइएको छ।
महासंघले उक्त निर्णय प्रेस स्वतन्त्रता, सूचनाको हक र खुला अर्थतन्त्रविपरीत भएको उल्लेख गर्दै यसले सञ्चार क्षेत्रमाथि अप्रत्यक्ष नियन्त्रण बढाउने, निजी तथा सामुदायिक मिडियाको अस्तित्वमा खतरा ल्याउने र पत्रकारको रोजगारी अस्थिर बनाउने चेतावनी दिएको छ।
यस्तै, यस्तो नीतिले सूचना प्रवाहमा असन्तुलन ल्याउने र प्रतिस्पर्धात्मक वातावरण कमजोर बनाउने पनि महासंघको ठहर छ।
महासंघले निर्णय तत्काल फिर्ता लिन सरकारलाई आग्रह गर्दै बेवास्ता गरिए आन्दोलनका कार्यक्रम सार्वजनिक गर्ने चेतावनी दिएको छ।
