काठमाडौं, २६ चैत । राष्ट्रपति कार्यालयले मन्त्रिमण्डलको कार्यविभाजनमा परिवर्तन गरेका छन् ।
प्रधानमन्त्री बालेन्द्र शाहले बिहीबार साहलाई बर्खास्त गरेपछि नयाँ जिम्मेवारी वितरण गरिएको हो । श्रम, रोजगार तथा सामाजिक सुरक्षा मन्त्री दीपककुमार साह पदमुक्त गरेको छ ।
यसअघि रवि लामिछानेले श्रममन्त्री साहले पदको दुरुपयोग गर्दै आफ्नी श्रीमतीलाई निष्क्रिय रहेको स्वास्थ्य बीमा बोर्डमा नियमित रूपमा संलग्न गराएको भन्दै कारबाहीको सिफारिस गरेको थियो ।
सिफारिसका आधारमा प्रधानमन्त्री बालेनले साहको बर्खास्तगीको सूचना राष्ट्रपति रामचन्द्र पौडेलको कार्यालयमा पठाएका थिए । त्यसपछि राष्ट्रपति कार्यालयले एक विज्ञप्ति जारी गर्दै कार्यविभाजन परिवर्तन गरेको छ । नयाँ कार्यविभाजन अनुसार प्रधानमन्त्री बालेन्द्र शाहसँग अब तीन मन्त्रालयको जिम्मेवारी रहेको छ ;
रक्षा मन्त्रालय
उद्योग, वाणिज्य तथा आपूर्ति मन्त्रालय
श्रम, रोजगार तथा सामाजिक सुरक्षा मन्त्रालय
अन्य १३ जना मन्त्रीलाई भने आफ्नो साबिकको जिम्मेवारीमा कायम राखिएको छ ।
