काठमाडौं, २६ चैत । अख्तियार दुरुपयोग अनुसन्धान आयोगले विद्युतीय चुरोट (भेप) प्रयोग गरी सुन तस्करी तथा भ्रष्टाचार गरेको आरोपमा पूर्वसभामुख कृष्णबहादुर महरा सहित २८ जनाविरुद्ध विशेष अदालतमा मुद्दा दायर भएका छन् ।
आयोगका अनुसार त्रिभुवन अन्तर्राष्ट्रिय विमानस्थल भन्सार कार्यालयका कर्मचारी, राजनीतिक व्यक्तित्व र तस्करहरूको मिलेमतोमा करिब ८.५ किलो सुन अवैध रूपमा भित्र्याई हिनामिना गरिएको ठहर गरिएको छ । २०७९ पुस १० गते दुबईबाट ँथिमगदबष्को उडानमार्फत आएका चिनियाँ नागरिकले दुई वटा सुटकेसभित्र ७३० थान भेप ल्याएका थिए ।
भन्सार जाँचका क्रममा एक्स–रे मेसिनले शङ्कास्पद संकेत देखाएपछि ती सामग्री जफत गरिएको थियो । अनुसन्धानबाट ती भेपभित्र करिब ८,४८० ग्राम सुन लुकाएर ल्याइएको खुल्यो । तर, आरोप अनुसार उक्त सुन भन्सार गोदाममै हराएर अन्य वस्तुसँग सट्टापट्टा गरी अवैध रूपमा बिक्री गरिएको थियो ।
अख्तियारले सुन छुटाउनका लागि कृष्णबहादुर महरा र उनका छोरा राहुल महराले चिनियाँ समूहसँग असामान्य सम्पर्क राखेको तथा भन्सार कर्मचारीहरूलाई प्रभावमा पार्न खोजेको दाबी गरेको छ । यस प्रकरणमा भन्सारका तत्कालीन प्रमुख अरुण पोखरेल, अधिकृत मुक्तिप्रसाद श्रेष्ठ, नायब सुब्बा रेवन्त खड्का, राहुल महरा, साथै चिनियाँ नागरिकहरू लगायतलाई प्रतिवादी बनाइएको छ ।
यसअघि उच्च अदालत पाटनले महरालाई धरौटीमा रिहा गर्न आदेश दिएको थियो भने काठमाडौं जिल्ला अदालतले उनलाई पुर्पक्षका लागि थुनामा पठाउने आदेश दिएको थियो ।
