काठमाडौं, २६ चैत । कञ्चनपुर कारागारमा कैदीबन्दीबीच झडप भएपछि १५ जनालाई अन्य कारागारमा सारिएका छन ।
बुधबार सामान्य विवादका कारण दुई समूहबीच झडपको क्रममा पाँच जना घाइते भएको थियो । कारागार प्रशासनका अनुसार झडपमा संलग्न र घाइते भएका भुवन नाथ, भुवन ऐर र प्रकाश घरेडीसहित १५ जनालाई सोही दिन बाँकेको नौबस्ता कारागारमा स्थानान्तरण गरेको हो ।
जेलर हेमन्ती साउँदले आवश्यक प्रक्रिया पूरा गरेर उनीहरूलाई सरुवा गरिएको जनाए । झडपमा घाइते भएका अन्य दुई जना—दाजु दमाई र आयुश बम— भने कञ्चनपुरमै राखिएका छन् । उनीहरू महाकाली प्रादेशिक अस्पतालमा उपचारपछि डिस्चार्ज भइसकेका छन् ।
यसअघि पनि गत पुस महिनामा कारागारभित्र झडप भएको थियो । त्यतिबेला बाहिरबाट मदिरा र लागूऔषध भित्र्याउने तथा महँगोमा बेचबिखन गर्ने विषयमा विवाद भएको बताइएको थियो । उक्त घटनामा चौकीदार र नाइकेबीच विवाद चर्किँदा झडप भएको थियो ।
तर जेलर साउँदले यसपटकको घटना आपसी मनमुटावकै कारण भएको दाबी गरिन्। कारागारभित्र अवैध गतिविधि हुने चर्चा भए पनि निरीक्षणका क्रममा त्यस्तो प्रमाण फेला नपरेको उनको भनाइ छ ।
m गरे।
