जनकपुर, २५ चतै । नेपाली काग्रेसका सभापति गगन थापाले मधेस प्रदेशको जनकपुर मा आयोजित कार्यक्रममा नेपाली कांग्रेस पुनः सशक्त रूपमा रिभाइभ हुने विश्वास व्यक्त गरेका छन् ।
उनले पार्टीलाई नयाँ ऊर्जा, रणनीति र युवाको सहभागितासहित देशभर पुनर्गठन गर्ने बताए । थापाले २०७९ को तुलनामा करिब १० लाख मत घट्नुको कारण खोज्ने आवश्यकता औंल्याउँदै चुनावी हारको मुख्य कारण पार्टीको सन्देश कमजोर हुनु रहेको बताए ।
उनले एमाले र माओवादीसँगको पुरानो प्रतिस्पर्धा समाप्त भएको र अब नयाँ राजनीतिक शक्तिसँग प्रतिस्पर्धा गर्न कांग्रेसलाई रूपान्तरण आवश्यक रहेको बताए ।
उनले पार्टीको क्रियाशील सदस्यता खारेज गरी नयाँ प्रणालीबाट अद्यावधिक प्रक्रिया सुरु गर्ने घोषणा गरे। साथै पार्टी एकता मजबुत बनाउँदै आगामी महाधिवेशनसम्म संगठन सुधारमा ध्यान दिने उल्लेख गरे ।
