काठमाडौं, २५ चैत । पूर्वप्रधानमन्त्री शेरबहादुर देउवा र उनकी पत्नी तथा पूर्वमन्त्री आरजु राणा देउवा विरुद्ध पक्राउ पुर्जी जारी भएको छ ।
गैरकानुनी सम्पत्ति आर्जनसम्बन्धी अनुसन्धानका क्रममा सम्पत्ति शुद्धीकरण अनुसन्धान विभाग ले जिल्ला अदालत काठमाडौंबाट पक्राउ अनुमति लिएको उच्च स्रोतले जनाएको छ ।
स्रोतका अनुसार अदालतबाट पक्राउ पुर्जी जारी भइसकेको भए पनि दुवै जना हाल विदेशमा रहेकाले कार्यान्वयन हुन सकेको छैन ।
उनीहरू स्वास्थ्य उपचारको सिलसिलामा सिंगापुर गएको र त्यहाँबाट हङकङतर्फ गएको जानकारी सार्वजनिक भएको छ । यो प्रकरणको जड विगतमा भएको जेनजी आन्दोलनसँग जोडिएको छ ।
सो आन्दोलनका क्रममा देउवा दम्पतीमाथि दुव्र्यवहार तथा कुटपिट भएको थियो भने बुढानीलकण्ठ स्थित उनीहरूको निवासमा आगजनीसमेत भएको थियो । आगलागीपछि जलेका नोटहरू भेटिएको विषय बाहिर आएपछि सम्पत्तिको स्रोतबारे प्रश्न उठेको थियो ।
उक्त घटनापछि सम्पत्ति शुद्धीकरण अनुसन्धान विभागले देउवा निवासमै पुगेर प्रारम्भिक मुचुल्का उठाएको थियो । त्यसपश्चात् विभागले औपचारिक पत्राचार गरी थप अनुसन्धान अघि बढाएको थियो ।
अहिले सो अनुसन्धान केन्द्रीय अनुसन्धान ब्युरो -ऋक्ष्द्य) मार्फत अगाडि बढाइएको जनाइएको छ । अनुसन्धानका क्रममा गैरकानुनी रूपमा सम्पत्ति आर्जन भएको आशंका गरिएको र त्यसकै आधारमा अदालतबाट पक्राउ अनुमति लिइएको स्रोतको भनाइ छ ।
प्रमुख राजनीतिक व्यक्तित्वविरुद्ध अनुसन्धान र पक्राउ पुर्जी जारी हुनु संवेदनशील विषय भएकाले आगामी दिनमा यसको कानुनी तथा राजनीतिक प्रभावबारे चासो बढेको छ ।
