काठमाडौँ, २४ चैत। सरकारले पेट्रोल, डिजेल र मट्टितेलमा लाग्दै आएको भन्सार महसुल तथा पूर्वाधार विकास करमा ५० प्रतिशत छुट दिने निर्णय गरेको छ।
मंगलबार बसेको मन्त्रिपरिषद् बैठकले उक्त निर्णय गर्दै यसको सूचना नेपाल राजपत्रमा प्रकाशन गर्ने पनि तय गरेको छ।
संघीय मामिला तथा सामान्य प्रशासनमन्त्री प्रतिभा रावलका अनुसार इन्धन आयातमा लाग्ने कर घटाएर उपभोक्तालाई राहत दिने उद्देश्यले यो कदम चालिएको हो।
