काठमाडौं, २३ चैत । केपी शर्मा ओली र रमेश लेखक लाई हिरासतमा राखिएको विषयमा सर्वोच्च अदालतले चैत २५ पछि रिहा गर्न परमादेश जारी गरेको छ ।
न्यायाधीश विनोद शर्मा र सुनिल कुमार पोखरेल को इजलासले अनुसन्धानका लागि दिइएको म्याद सोही दिन सकिने भएकाले त्यसपछि थुनामा राख्न नपर्ने ठहर गरेको हो ।
अदालतले पक्राउ प्रक्रिया कानुनसम्मत भएको ठहर गरे पनि मानवीय कारण—आशौच अवस्था र ओलीको स्वास्थ्य अवस्थालाई ध्यान दिँदै हिरासत बाहिरै राखेर अनुसन्धान गर्न सकिने जनाएको छ ।
साथै, सोही घटनाका अन्य आरोपी हाजिर जमानीमा छुटिसकेको सन्दर्भमा उनीहरूलाई मात्र थुनामा राख्नु उचित नहुने उल्लेख गरिएको छ ।
अब प्रहरीले चैत २५ भित्र अनुसन्धान सकेर वा सोपछि उनीहरूलाई हाजिर जमानी वा तारिखमा छाड्नुपर्नेछ ।
