काठमाडौं, २२ चैत । प्रतिनिधिसभा सदस्य निर्वाचनका लागि स्थगित गरिएको मतदाता नामावली सङ्कलन कार्य आजदेखि पुनः सुरु भएको छ ।
निर्वाचन आयोगले मङ्सिर ६ देखि रोकेको यो प्रक्रिया चैत १८ को निर्णयअनुसार पुनः सञ्चालनमा ल्याएको हो । राष्ट्रिय परिचयपत्र भएका नागरिकले अनलाइनमार्फत नाम दर्ता गर्न सक्नेछन् भने परिचयपत्र नभएकाले प्रि–इनरोलमेन्ट प्रणालीबाट फारम भरी सम्बन्धित कार्यालयमा उपस्थित हुनुपर्नेछ ।
साथै, नामावली सच्याउने, दोहोरो हटाउने र विवरण अद्यावधिक गर्ने काम पनि अनलाइनबाटै गर्न सकिने व्यवस्था गरिएको छ ।
