सर्लाही, १९ चैत । सर्लाहीसहित देशभर आजदेखि माध्यमिक शिक्षा परीक्षा -एसईई) सुरु भएको छ । पहिलो दिन अनिवार्य अङ्ग्रेजी विषयको परीक्षा सञ्चालन भएको थियो ।
सर्लाही जिल्लामा ३५ परीक्षा केन्द्र तोकिएका छन्, जहाँ कुल ११ हजार ३७१ परीक्षार्थी सहभागी छन्। तीमध्ये १० हजार २८५ नियमित र १ हजार ८६ ग्रेडवृद्धितर्फका विद्यार्थी रहेका छन् ।
विद्यार्थी संख्या घटेका कारण गत वर्षभन्द ३ वटा केन्द्र कम गरिएको छ । परीक्षा बिहान ८ बजेदेखि ११ बजेसम्म सञ्चालन भइरहेको छ । परीक्षालाई मर्यादित बनाउन केन्द्राध्यक्षबाहेक अन्य कसैलाई मोबाइल प्रयोग गर्न नदिने व्यवस्था गरिएको छ भने चिट, गाइड, किताब, मोबाइल लगायतका सामग्री पूर्ण रूपमा निषेध गरिएको छ ।
