काठमाडौं, १८ चैत । प्रधानमन्त्री बालेन्द्र शाहले मधेश प्रदेशबाट प्रत्यक्ष निर्वाचित सांसदहरूसँग छलफल गरेका छन्।
बजेटअघि छोटो अवधिमा गर्न सकिने कामबारे सुझाव लिन बोलाइएको बैठक करिब तीन घण्टा चलेको थियो। बैठकमा मातृका यादव बाहेक अधिकांश सांसद सहभागी थिए।
सांसदहरूले सुशासन, भ्रष्टाचार नियन्त्रण, पूर्वाधार विकास, चुरे संरक्षण, मिटरब्याज समस्या, साना भन्सार पुनः सञ्चालन र सीमा व्यवस्थापनलगायत मुद्दा उठाएका थिए।
प्रधानमन्त्री शाहले सांसदका सुझाव सचिवालयले टिपोट गरेको बताउँदै प्राथमिकताअनुसार कार्यान्वयन गर्ने आश्वासन दिएका छन्। यसअघि पनि उनले अन्य प्रदेशका सांसदहरूसँग यस्तै छलफल गरिसकेका छन्।
