काठमाडौं, १८ चैत । शिक्षा, विज्ञान तथा प्रविधि मन्त्रालयले माध्यमिक शिक्षा परीक्षा -एसईई) को नतिजा एक महिनाभित्र सार्वजनिक गर्न राष्ट्रिय परीक्षा बोर्डलाई निर्देशन दिएको छ ।
प्रधानमन्त्री बालेन शाहसँगको परामर्शपछि यस्तो निर्णय गरिएको हो । सोही अनुसार अब परीक्षा केन्द्रमै उत्तरपुस्तिका परीक्षण गरेर छिटो नतिजा निकाल्ने तयारी गरिएको छ ।
शिक्षा मन्त्री सस्मित पोखरेलले विद्यार्थीको तनाव कम गर्न र अनावश्यक प्रतीक्षा घटाउन नतिजा छिटो सार्वजनिक गर्न लागिएको बताए ।
यसअघि करिब तीन महिना लाग्ने नतिजा अब एक महिनाभित्र निकाल्ने लक्ष्य राखिएको छ । साथै, ब्रिज कोर्सजस्ता तयारी कक्षामा रोक लगाउँदै विद्यार्थीलाई आफ्नो रुचिअनुसार सिक्ने अवसर दिन मन्त्रालयले जोड दिएको छ ।
आगामी दिनमा एसईई सञ्चालनको जिम्मेवारी संघ, प्रदेश वा स्थानीय तह कसले लिने भन्ने विषयमा पनि छलफल भइरहेको छ ।
