काठमाडौं, १७ चैत । इरानले दुबई बन्दरगाह आसपास गरेको मिसाइल आक्रमणमा कुवेतको ठूलो तेल ट्यांकरमा आगलागी भएका छन् ।
उक्त जहाजमा लागेको आगो लामो समयसम्म नियन्त्रणमा आउन नसकेको संयुक्त अरब इमिरेट्सका अधिकारीहरूले जनाएका छन्। सामुद्रिक अग्निनियन्त्रण टोली आगो निभाउन सक्रिय रूपमा खटिएको छ । आक्रमणका क्रममा लाखौँ ब्यारेल कच्चा तेल बोकेको जहाजमा रहेका २४ जना चालक दलका सदस्य भने सुरक्षित रहेको बताइएको छ ।
इस्लामिक रिभोल्युशनरी गाड्र्सले उक्त आक्रमण आफ्नो तर्फबाट गरिएको पुष्टि गरेको छ । यसअघि डोनाल्ड ट्रम्पले होमुर्ज जलमार्गमा नियन्त्रण कायम राखेमा इरानका ऊर्जा संरचनामाथि थप कडा कारबाही गर्ने चेतावनी दिएका थिए।
सोही चेतावनीपछि यो आक्रमण भएको जनााए । अयस घटनापछि विश्व बजारमा कच्चा तेलको मूल्य कम्तीमा ३ प्रतिशतले वृद्धि भएको छ । यता इजरायलले लेबनानमा शान्ति सैनिकमाथि भएको आक्रमणबारे अनुसन्धान सुरु गरेको जनाएको छ । यसअघि भएको घटनाको संयुक्त राष्ट्र संघले कडा शब्दमा आलोचना गरेको थियो ।
