काठमाडौं, १७ चैत । काठमाडौंमा नेपाली कांग्रेसको संस्थापनइतर समूहको दुई दिने बैठक आजबाट सुरु हुँदैछ ।
धुम्बाराहीस्थित होटल स्मार्टमा बिहान ११ बजे सुरु हुने बैठकमा तीन मुख्य एजेन्डामा छलफल गरिनेछ ।
बैठकमा २१ फागुनको निर्वाचन परिणाम समीक्षा, १५ औं महाधिवेशनको कार्यतालिका तथा तयारी र सम्भावनाबारे छलफल हुने बताइएको छ ।
यसअघि वैशाख २८–३१ गतेका लागि १५ औं महाधिवेशनको कार्यतालिका पारित भइसकेको छ । यस्तै, १४ औं महाधिवेशनबाट निर्वाचित केन्द्रीय कार्यसमिति बैठकपछि १९ चैतमा जिल्ला सभापतिहरूको भेला बोलाउने तयारी पनि गरिएको छ ।
