काठमाडौं, १३ चैत । नवनियुक्त कानुन, न्याय तथा संसदीय मामिला मन्त्री सोविता गौतमले पदभार सम्हाल्दै आफ्नो पहिलो निर्णय सार्वजनिक गरेकी छिन् ।
उनले बलात्कार, यौनजन्य हिंसा तथा त्यस्ता अपराधपछि हुने हत्या जस्ता गम्भीर अपराधका दोषीलाई कडा सजाय सुनिश्चित गर्न र पीडितलाई छिटो न्याय दिलाउन कानुन संशोधन गर्ने प्रक्रिया अघि बढाउने निर्णय गरेकी हुन् ।
यसका लागि अपराध संहितासहित सम्बन्धित कानुनमा रहेका अवरोध पहिचान गर्न अध्ययन कार्यदल गठन गरिनेछ । सो अध्ययनका आधारमा आवश्यक कानुनी सुधार र संशोधन प्रक्रिया अघि बढाइने जनाएको छ ।
