काठमाडौं, ४ चैत । खोटाङको कोपिलासगढी गाउँपालिका–२ बालावेसीमा डाइनेस्टी एयरको हेलिकोप्टर अवतरणका क्रममा दुर्घटनाग्रस्त भएको छ ।
भिरालो ठाउँमा अवतरण गर्ने क्रममा हेलिकोप्टर असन्तुलित भई कान्लामा ठोक्किँदा दुर्घटना भएको हो । चालकसहित ६ जना सवारमध्ये काजीबहादुर राई घाइते भएका छन् ।
घाइतेलाई उपचारका लागि काठमाडौं ल्याउन अर्को हेलिकोप्टर घटनास्थल पठाइएको प्रहरीले जनाएको छ ।
