गोरखा, ३० फागुन । मनकामना दर्शन गरेर फर्किरहेको ईभी माइक्रो बस दुर्घटना हुँदा ७ जनाको मृत्यु भएको छ ।
गोरखाको शहीदलखन गाउँपालिका–३ कनटारमा शनिबार मनकामनाबाट फर्किंदै गरेको बागमती प्रदेश ००६ ख ८४३० नम्बरको माइक्रो बस सडकबाट करिब २ सय मिटर तल खसेको थियो ।
प्रहरीका अनुसार माइक्रोमा १४ जना सवार थिए । दुर्घटनामा घटनास्थलमै ७ जनाको मृत्यु भएको छ भने अन्य ७ जना घाइतेलाई उपचारका लागि अस्पताल पठाइएको छ ।
मृतकहरू सबै भारतीय नागरिक रहेको प्रहरीले जनाएको छ । चालक र सहचालक बाहेक अन्य यात्रुहरू मनकामना मन्दिर दर्शनका लागि आएका भारतीय तीर्थयात्री थिए ।
प्रहरी र स्थानीयको समन्वयमा घाइतेहरूको उद्धार गरिएको थियो ।
