जनकपुर, ११ फागुन । जनकपुरको विश्वकर्मा चोकमा टिपरले पछाडिबाट ठक्कर दिँदा एक महिला ट्राफिक प्रहरीको ज्यान गएको छ ।
दुर्घटनामा मृत्यु हुनेमा ट्राफिक प्रहरी कार्यालय बर्दिबासमा कार्यरत २६ वर्षीया प्रहरी जवान चन्द्रकला महतो रहेको पुष्टि भएको छ । मोटरसाइकलमा सवार प्रहरीलाई पछाडिबाट आएको टिपरले ठक्कर दिएको हो ।
दुर्घटनामा मोटरसाइकल चालक मधेश प्रदेश प्रहरी कार्यालयमा कार्यरत विजय यादव सामान्य घाइते भएका छन् । उनको अवस्था खतरामुक्त रहेको प्रहरीले जनाएको छ ।
घटनापछि टिपर र चालकलाई नियन्त्रणमा लिई थप अनुसन्धान भइरहेको छ ।
