ललितपुर, २ फाल्गुन । ललितपुरको कोञ्जोसोम गाउँपालिका–१ बाउनडाँडामा बालुवा बोकेको मिनी ट्रक दुर्घटना हुँदा चार जनाको मृत्यु भएको छ ।
प्रदेश–०१–००४क ६२२८ नम्बरको ट्रक शुक्रबार राति सडकबाट करिब ५ सय मिटर तल खसेको थियो। दुर्घटनामा चालक गोदावरी–६ का ५२ वर्षीय गणेश खड्का र सहयात्री ४२ वर्षीय गणेश थापाको घटनास्थलमै मृत्यु भयो।
अन्य दुई पुरुष घाइतेलाई उपचारका लागि पाटन अस्पताल लगिएकोमा चिकित्सकले मृत घोषणा गरेका छन् । घटना बारे जिल्ला प्रहरी कार्यालय ललितपुर ले जानकारी दिएको छ ।
