काठमाडौँ, २५ माघ । पृथ्वी राजमार्ग अन्तर्गत धादिङको थाक्रे–६, दसकिलोमा दुई वटा बस एकआपसमा ठोकिँदा एक जनाको मृत्यु भएको छ ।
दाङबाट काठमाडौँ आउँदै गरेको र काठमाडौँबाट रसुवागढी जाँदै गरेको बस ठोक्किँदा नजिकै चियापसलमा चिया पिइरहेका एक ट्रिपर चालकको घटनास्थलमै ज्यान गएको हो ।
दुर्घटनामा ५१ वर्षीय राजु थापा गम्भीर घाइते भएका छन् र उनलाई उपचारका लागि काठमाडौँ पठाइएको छ ।
घटनापछि प्रहरीले दुवै बसका चालकलाई नियन्त्रणमा लिएको छ भने राजमार्गमा एकतर्फी रुपमा सवारी सञ्चालन भइरहेको छ । मृतकको पहिचान खुल्न बाँकी छ ।
