काठमाडौं, १ मंसिर । नेपाली क्रिकेटमा पहिलोपटक फ्लडलाइटमुनि खेलिने प्रतियोगिता तथा दर्शकका लागि प्यारापिटसहितको स्टेडियम—यो धेरैले कल्पना गरेका थिए, तर यो कल्पना अब यथार्थमा बदलिन लागेको छ ।
आजदेखि सुरु हुने नेपाल प्रिमियर लिग (एनपीएल) को दोस्रो संस्करणसँगै नेपाली क्रिकेटमा नयाँ अध्याय खुल्न लागेको हो । खेलाडीहरूले रातको उज्यालोमा डे–नाइट म्याच खेल्नेछन् भने दर्शकहरू प्यारापिटमा बसेर प्रत्यक्ष रूपमा खेल हेर्न पाउनेछन् ।
पहिलो संस्करणका सबै खेल दिउँसो मात्रै सीमित भए पनि यो संस्करणमा समावेश ३२ खेलमध्ये २३ वटा खेल फ्लडलाइटमुनि डे–नाइट हुनेछन ्।
आइतबार मात्रै क्यानले फ्लडलाइट र प्यारापिट औपचारिक रूपमा बुझिसकेको छ । अब दोस्रो संस्करणको पहिलो खेलमा साविक विजेता जनकपुर बोल्ट्सले सोमबार काठमाडौँ गोर्खाजविरुद्ध भिड्दै आफ्नो उपाधि रक्षा अभियान सुरु गर्नेछ । यस पटक पनि एनपीएलमा ८ फ्रेन्चाइज टोली प्रतिस्पर्धामा उत्रनेछन् ।
यस पटक एनपिएलमा ८ टोलीको सहभागीको नाममवली :
* जनकपुर बोल्ट्स
* सुदूरपश्चिम रोयल्स
* कर्णाली याक्स
* कर्णाली याक्स
* काठमान्डु गोर्खाज
* विराटनगर किङ्स
* पोखरा एभेन्जर्स
* लुम्बिनी लायन्स
