जनकपुर, २५ कात्तिक । धनुषाको हंसपुर नगरपालिका–७ नौवाखोरमा एक महिलाको क्रुर रूपमा हत्या भएका छन् ।
६२ वर्षीया चन्द्रकला देवी दास सोमबार साँझ खेतमा मृत फेला परेकी छन् । प्रहरीका अनुसार उनको टाउको र अनुहारमा धारिलो हतियार प्रहार गरी हत्या गरिएको हो ।
शव घरबाट करिब ५०० मिटर टाढा भेटिएको धनुषा प्रहरीका प्रवक्ता डिएसपी गणेश बमले बताए । घटनाको खबर राति करिब ९ बजे प्रहरीलाई प्राप्त भएपछि टोली घटनास्थल पुगेको थियो ।
अनुसन्धानकै क्रममा प्रहरीले एक व्यक्तिलाई नियन्त्रणमा लिएको छ । मृतक महिलाले लगाएका सुन–चाँदीका गहना समेत लुटिएको पाइएको प्रहरीले जनाएको छ ।
ती गहना पछि बरामद गरिएका छन्, तर लुटपाटमा संलग्न व्यक्तिको पहिचान सार्वजनिक गरिएको छैन । स्थानीयवासीका अनुसार चन्द्रकला देवी मिटरब्याज (सूदखोरी) सम्बन्धी समस्याको पीडित थिइन्।
सोही कारणले उनीमाथि आक्रमण गरिएको हुन सक्ने आशंका प्रहरीले व्यक्त गरेको छ ।
