जनकपुर, २३ कार्तिक । मधेश प्रदेशका मुख्यमन्त्री जितेन्द्र प्रसाद सोनारले २५ दिनमै राजीनामा दिएपछि विपक्षी दल नेपाली कांग्रेस र नेकपा एमालेले आन्तरिक असन्तुष्टिका कारण सरकार ढलेको प्रतिक्रिया दिएका छन् ।
एमाले नेता सरोजकुमार यादव र कांग्रेस नेता कृष्णप्रसाद यादव दुवैले सरकारमा सहभागी दलहरूबीचको विवाद र अन्तरद्वन्द्वकै कारण यस्तो स्थिति आएको बताएका छन् ।
दुवै दलले सरकार ढल्नु संसदीय प्रक्रियाको स्वाभाविक परिणाम भएको टिप्पणी गरेका छन् ।
