काठमाडौं, १६ कात्तिक । सिन्धुपाल्चोकको बाह्रबिसे नगरपालिकामा अख्तियार दुरुपयोग अनुसन्धान आयोगको टोलीले छापा मारेका छन् ।
आइतबार दिउँसो अख्तियारको विशेष टोलीले नगरपालिकाको कार्यालयमा पुगेर कागजातहरू नियन्त्रणमा लिएको हो । लगातार आएका अनियमितताको उजुरी र गुनासोका आधारमा अख्तियारले छापा मारेको बताएको छ ।
मेयर बालकृष्ण बस्नेतले भोटेकोशी जलविद्युत् आयोजनाबाट अस्पताल निर्माणका लागि भन्दै करिब पाँच करोड रुपैयाँ लिएको तर सो रकमको हिसाब–किताब अस्पष्ट रहेको भन्ने सूचनाका आधारमा छापा मारिएको हो ।
अख्तियारको प्रारम्भिक अनुसन्धानका क्रममा करिब २० लाख रुपैयाँको मात्र हिसाब भेटिएको र बाँकी रकमको कुनै विवरण नभेटिएको वनाएको छ । २० लाखको लेनदेन देखिएको छ, तर बाँकी रकमबारे कुनै अभिलेख पाइएन ।
अख्तियारले अहिले कागजात परीक्षण र आवश्यक अनुसन्धान अघि बढाउने तयारी गरेको छ ।
