जनकपुर, २ कात्तिक । पर्साको वीरगञ्ज महानगरपालिका–१ छपकैया टोलमा झिलीमिली बत्ती जडान गर्दैगर्दा करेन्ट लागेर एक जनाको मृत्यु भएका छन् ।
मृत्यु हुने १७ वर्षीय पियुसकुमार साह हुन् । प्रहरीका अनुसार, शनिबार साँझ उनी आफ्नै घरको छतमा बत्तीको तार जडान गर्दै गर्दा अचानक करेन्ट लागेको थियो ।
करेन्ट लागेपछि गम्भीर घाइते भएका साहलाई तुरुन्तै उपचारका लागि नारायणी अस्पताल पु¥याउने प्रयास गरिएको थियो । तर, बाटोमै उनको मृत्यु भएको पर्सा प्रहरी प्रवक्ता हरिबहादुर बस्नेतले जानकारी दिएका छन् ।
साहको शव परीक्षणका लागि नारायणी अस्पतालमा राखिएको छ । प्रहरीले घटनाबारे थप अनुसन्धान गरिरहेको बताए ।
