पाँचथर, १८ असोज। पाँचथरको कुम्मायक गाउँपालिका-३ कात्तिके डाँडामा आज दिउँसो भएको बोलेरो दुर्घटनामा ४ जनाको मृत्यु भएको छ।
६ जना घाइतेलाई उद्धार गरी धरान पठाइएको जिल्ला प्रहरी कार्यालय पाँचथरले जनाएको छ ।
ताप्लेजुङबाट धरानतर्फ जाँदै गरेको मे १ ज ३०५५ नम्बरको बोलेरो गाडी दिउँसो पाँचथरमा दुर्घटनामा परेको हो।
दुर्घटनापछि स्थानीय र प्रहरीको सहयोगमा ६ जनालाई तत्काल उद्धार गरी धरानस्थित बीपी कोइराला स्वास्थ्य विज्ञान प्रतिष्ठान पठाईएको जिल्ला प्रहरी कार्यालय पाँचथरका प्रमुख डीएसपी अनिसकुमार कर्णले जानकारी दिए।
मृत्यु भएका चार जनाको शव फेला परेको प्रहरीले जनाएको छ। तर मृतकको पहिचान खुलिसकेको छैन।
बोलेको तमोर करिडोरको कात्तिके डाँडाबाट करिब ५ सय मिटर तल खसेको प्रहरीले जनाएको छ।
