पर्सा, १७ असोज । पर्सा जिल्लाको छिपहरमाई गाउँपालिका–३, जयमंगलापुरस्थित झलमहिया र भिस्वा जोड्ने सडकखण्डमा शुक्रबार बिहान एक युवक मृत अवस्थामा फेला परेका छन् ।
मृत फेला पर्ने युवक सोही ठाउँका २७ वर्षीय रमेश साह कानु रहेको जिल्ला प्रहरी कार्यालय पर्साले पुष्टि गरेको छ । उनको शव सो सडकखण्डमा रहेको एक कल्भर्टमुनि पानीमा डुबेको अवस्थामा फेला परेको थियो ।
घटनास्थलमै भारतीय नम्बर प्लेट (द्यच् २२ ब्ी १२७३) रहेको मोटरसाइकल समेत भेटिएको छ । प्रहरीका अनुसार प्रारम्भिक अनुसन्धानमा यो घटना सडक दुर्घटना भएको हुनसक्ने देखिएको छ ।
जिल्ला प्रहरी कार्यालय पर्साका प्रवक्ता डिएसपी हरिबहादुर बस्नेतका अनुसार, घटनास्थलको अवस्था र मृतकको शारीरिक चोटपटकको आधारमा दुर्घटनाको शंका गरिएको हो ।
हाल घटनाको विस्तृत अध्ययन र अनुसन्धान जारी रहेको बताइएको छ । प्रहरीले आवश्यक अनुसन्धानपछि मात्र मृत्युको कारणबारे स्पष्ट जानकारी आउने जनाएको छ ।
