काठमाडौं, १३ असोज । सिन्धुलीको दुधौली नगरपालिका ५ ठाकुर खोलापुलमा सडकमा रहेको रेलिङमा मोटरसाइकलको ठक्कर हुदा तीन जना घाइते भएका छन् ।
घाइतेमध्ये २ जनाको अवस्था गम्भीर रहेको बताएको छ । मदन भन्डारी राजमार्गमा सिर्थौलीबाट डकाहा तर्फ जाँदै गरेको ग ८ प २७४५ को मोटरसाईकल आफै अनियन्त्रित भई सडक छेउमा रहेको फलामको रेलिङमा ठोक्किएर दुर्घटना हुँदा तीन जना घाईते भएको जिल्ला प्रहरी कार्यालय सिन्धुलीका प्रमुख लालध्वज सुवेदीले बताएको छ ।
गम्भीर घाइते हुनेमा दुधौली १ का बर्ष २४ को किरण धामी र सोहि ठाउँका बर्ष ३० को जीवन धामी रहेको इलाका प्रहरी कार्यालय डाकाहका प्रमुख प्रहरी निरीक्षक सपना खड्काले जनाए । उनका अनुसार गम्भीर घाइते किरणको पेट र हिप फुटेको तथा जीवनको पेट फुटेको छ ।
दुर्घटनामा वर्ष ३२ को क्षितिज धामी सामान्य घाइते भएका छन् । क्षितिजको दायाँ हातमा चोट लागेको छ । उनीहरूलाई प्रहरीले उद्धार गरेर दुधौलीको नगर असपताल सिर्थौलीमा लगिएकोमा सामान्य उपचारपछि विराटनगर रिफर गरिएको इलाका प्रहरी डाकाहका प्रमुख खड्काले जानकारी दिइन् ।
