काठमाडौं, १३ असोज । काठमाडौंबाट गोलन्जरतर्फ जाँदै गरेको बलेरो पिकअप दुर्घटना हुँदा चालकसहित १३ जना घाइते भएका छन् ।
जिल्ला प्रहरी कार्यालय सिन्धुलीका प्रमुख एसपी लालध्वज सेवेदीका अनुसार सुनकोशी गाउँपालिका–६ मरिण डाइभर्सन नजिकै बा २० च ९३१ नम्बरको पिकअप बीपी राजमार्गबाट चिप्लिएर सुनकोशी नदीमा खस्दा दुर्घटना भएको हो ।
पिकअपमा १९ जना सवार थिए । घाइतेहरूलाई इलाका प्रहरी कार्यालय खुर्कोट र सशस्त्र प्रहरीको गोताखोर टोलीले उद्धार गरी सुनकोशी सामुदायिक अस्पताल, खुर्कोटमा उपचारका लागि लगिएको छ ।
घाइतेमध्ये एक जनाको अवस्था गम्भीर, चार जनाको अवस्था मध्यम र बाँकीको सामान्य रहेको प्रहरीले बताएको छ । घाइते हुनेमध्ये गोलन्जर गाउँपालिका निवासी २३ वर्षीया प्रेम मगरको टाउकोमा चोट लागेर अवस्था गम्भीर छ ।
अन्य सबै घाइतेहरू एकै वडाका परिवारभित्रका रहेको बुझिएको छ । जिल्ला प्रहरी कार्यालय सिन्धुलीले बीपी राजमार्गका विभिन्न स्थानमा ट्राफिक प्रहरी परिचालन गरेर सवारी साधनको गति नियन्त्रण गर्न थालिएको जनाएको छ ।
चालक २६ वर्षीय ओमबहादुर रानाको दुवै खुट्टाको घुँडामा सामान्य चोट लागेको र उनी प्रहरी नियन्त्रणमै उपचाररत रहेको जानकारी दिइएको छ ।
घाइतेहरूको नाम :
१) सिन्धुली गोलन्जोर गाउँपालिका ४ बस्ने वर्ष २३ को प्रेम मगरको टाँउकोमा चोट (अवस्था गम्भीर)
२) वर्ष २० को रोजिना थापा मगर (अवस्था मध्यम)
३) वर्ष १७ को भोज बहादुर थापा मगर (अवस्था मध्यम)
४) वर्ष ३५ को तारा बहादुर खुलाल (अवस्था मध्यम)
५) वर्ष ११ को सुसन मगर (अवस्था मध्यम)
६) केदार थापा मगर (अवस्था मध्यम)
७) वर्ष २० मालती खुलाल (अवस्था सामान्य)
८) वर्ष २२ को ज्ञानेन्द्र मगर (अवस्था सामान्य)
९) वर्ष २२ को जम्पा खुलाल मगर (अवस्था सामान्य)
१०) वर्ष ८ को नितेश मगर (अवस्था सामान्य)
११) वर्ष २२ को रोश्मी मगर (अवस्था सामान्य)
१२) वर्ष २५ को ओम आले मगर (अवस्था सामान्य)
१३) वर्ष २६ को ओम बहादुर राना (चालक) ः (अवस्था सामान्य)
