जनमपुर, ७ असोज । सप्तरीको सुरुङ्गा नगरपालिका–२ हर्दियास्थित पोखरीमा डुबेर आज दुई बालिकाको मृत्यु भएका छन् ।
ज्यान गुमाउनेमा स्थानीय सुरेन्द्र चौधरीकी ७ वर्षीया छोरी सुस्तिका चौधरी र केशर चौधरीकी ११ वर्षीया छोरी आशकी चौधरी रहेका छन् ।
बालिकाहरू नुहाउने क्रममा पोखरीमा डुब्दा मृत्यु भएको जिल्ला प्रहरी कार्यालय सप्तरीका प्रहरी नायब उपरीक्षक जितेन्द्रकुमार बस्नेतले बताएको छ ।
उनका अनुसार घटनाबारे स्थानीयले खबर गरेपछि गाउँलेहरूको सहयोगमा शव पोखरीबाट बाहिर निकालिएको हो ।
