काठमाडौं, २९ भदौ । जेनजी आन्दोलनमा गम्भीर घाइते भएका थप दुई जनाको उपचारको क्रममा मृत्यु भएको छ ।
वीर अस्पतालमा भेन्टिलेटरमा उपचार भइरहेका दुवै जनाले शुक्रबार राति र शनिबार प्राण गुमाएको अस्पतालका न्युरो सर्जन डा. राजीव झाले बताए ।
‘दुवैलाई टाउकोमा गोली लागेको थियो र भेन्टिलेटरमा राखेर उपचार भइरहेको थियो,’ डा. झाले भने, ‘तर हामीले बचाउन सकिएन।’ मृतकहरूको परिचय खुलिसकेको छैन ।
प्रहरी प्रशासनका अनुसार सोमबार र मंगलबारको आन्दोलनका क्रममा अहिलेसम्म ५१ जनाको मृत्यु भइसकेको छ ।
यससँगै मृतक संख्या ५० नाघिसकेको छ र अझ बढ्ने आशंका गरिएको छ।
