काठमाडौं, १३ भदौ । काठमाडौंको जडीबुटीमा शुक्रबार बिहान स्कुटर र बस ठोक्किँदा दुई जनाको मृत्यु भएका छन् ।
प्रहरीका अनुसार बिहान करिब पौने ३ बजे कोटेश्वरबाट जडीबुटीतर्फ आउँदै गरेको लु ४३ प ४९३८ नम्बरको स्कुटर आकासे पुल नजिकै सडक किनारमा रोकिराखिएको बागमती प्रदेश ०१–००६ ख ४२४३ नम्बरको बसमा ठोक्किँदा दुर्घटना भएको हो ।
दुर्घटनामा पश्चिम नवलपरासी, सुनवल नगरपालिका–१ का २२ वर्षीय शिरीष पौडेल र काभ्रे, पाँचखाल नगरपालिका–२ होक्से घर भई हाल भक्तपुरको लोकन्थली बस्ने २३ वर्षीय नितेश नेपालको मृत्यु भएको प्रहरीले बताए ।
गम्भीर घाइते भएका उनीहरूलाई उपचारका लागि राष्ट्रिय ट्रमा सेन्टर पु¥याइएको थियो तर उपचारकै क्रममा मृत्यु भएको छ । यस घटनापछि बस चालकलाई प्रहरीले नियन्त्रणमा लिएको छ ।
