काठमाडौं, १२ भदौ । पृथ्वी राजमार्गअन्तर्गत धादिङको थाक्रे गाउँपालिका–७ सातकिलोमा खसेको पहिरो पन्छाएपछि काठमाडौं–मुग्लिङ सडकखण्ड दुईतर्फी आवतजावतका लागि खुलेका छन् ।
बिहान करिब साढे ३ बजे खसेको पहिरोका कारण सडक अवरुद्ध भएको थियो । करिब ७ : ५० बजेदेखि बाटो पूर्णरूपमा सञ्चालनमा आएको जिल्ला प्रहरी कार्यालय धादिङका सूचना अधिकारी डिएसपी सुवास हमालले बताए ।
सडक खुले पनि रातिदेखि रोकिएका सयौं सवारी साधनका कारण राजमार्गमा चाप बढेको छ ।
ट्राफिक प्रहरीको सहयोगमा ती सवारीलाई क्रमशः गन्तव्यतर्फ पठाइँदैछ । धादिङ ट्राफिक प्रहरीले चालकहरुलाई हतार नगरी निर्धारित नियम पालना गर्दै सावधानीपूर्वक सवारी सञ्चालन गर्न आग्रह गरेको छ ।
