काठमाडौं, ४ भदौ । नेपाल वायुसेवा निगमका कार्यकारी अध्यक्ष युवराज अधिकारीले यात्रुको सुरक्षामा पटक–पटक गम्भीर लापरबाही भएपछि नियामक निकाय नेपाल नागरिक उड्डयन प्राधिकरणले उडान अनुमति खारेज गर्ने चेतावनी दिएका छन् ।
प्राधिकरणको नियमको गम्भीर उल्लंघन गरेपछि एक वर्षअघि नै कार्यकारी अध्यक्ष अधिकारीलाई प्राधिकरणले जिम्मेवार अधिकारी (एकाउन्टेबल म्यानेजर) को पदबाट निलम्बन गरेका थिए । नेपाल वायुसेवा निगमले प्राधिकरणको नियमको पालना नगरेको अवस्थामा उडान अनुमति नै खारेज हुने परिस्थिति सृजना गराएको प्राधिकरण तथा निगमका दुई फरक–फरक बताएको हो ।
कुनै पनि वायुसेवा कम्पनीको प्रमुखलाई नियामक निकाय नेपाल नागरिक उड्डयन प्राधिकरणले एकाउन्टेबल म्यानेजरका रूपमा तोक्ने गर्छ । वायुसेवा कम्पनीको सुरक्षा (सेफ्टी–सेक्युरिटी) सम्बन्धी सम्पूर्ण काममा एकाउन्टेबल म्यानेजर नै जिम्मेवार हुने गर्छ ।
नियामक निकायले तोकेका सम्पूर्ण सुरक्षा मापदण्ड पालना गरेको सुनिश्चित गर्ने मात्रै होइन, कम्पनीको तर्फबाट प्राधिकरणसँग गर्ने सम्पूर्ण सम्पर्क समन्वयको काम एकाउन्टेबल म्यानेजरले नै गरेकोछ । प्राधिकरणले असार २०८१ मा कार्यकारी अध्यक्ष अधिकारीलाई कार्यकारी भूमिकामा रहेर काम गर्न नपाउने गरी निर्णय गरेको थियो ।
सोअनुसार उनी प्राधिकरणका लागि उत्तरदायी अधिकारीको भूमिकामा थिएनन् । प्राधिकरणका नियमहरुको हदैसम्मको उल्लंघन, उडान सुरक्षामा चुनौती दिएको भन्दै एक्सन लिएका थिए । त्यसपछि तत्कालै अधिकारीलाई एकान्टेबल म्यानेजरबाट निलम्बन गरेर स्पष्टीकरण सोधेको थियो ।
त्यसबेला प्राधिकरणमा बयान दिने क्रममा अधिकारीले आफू लेखा तथा प्रशासनको व्यक्ति भएकाले आफूलाई त्यो प्राविधिक विषयमा जानकारी नहुने बताएका थिए ।
