काठमाडौं, २९ साउन । तनहुँको डुम्रेमा बस र माइक्रोबस एक आपसमा ठोकिदा ११ जना घाइते भएका छन् ।
पृथ्वीराजमार्ग अन्तर्गत बन्दिपुर गाउँपालिका–४ डुम्रे नजिकै बस र माइक्रोबस ठोक्किएको हो । दुर्घटनामा परेर ११ जना घाइते भएका छन् ।
जिल्ला प्रहरी कार्यालय तनहुँका अनुसार घाइतेमध्ये २ जनाको अवस्था गम्भीर रहेको छ । गम्भीर घाइतेहरूको मोति क्लिनिकमा उपचार भइरहेको छ भने बाँकी ९ जनाको डुम्रेको लक्ष्मी अस्पतालमा उपचार भइरहेको छ ।
बागमती प्रदेश ०१–००६ ख ६५०३ नम्बरको माइक्रोबस काठमाण्डौँबाट दमौलीतर्फ आउँदै थियो भने विपरीत दिशाबाट आउँदै गरेको ग १ ख ७३२९ नम्बरको बससँग ठोक्किएर उक्त दुर्घटना भएका छन् ।
प्रहरीका अनुसार दुर्घटनाको कारणबारे अनुसन्धान भइरहेको छ ।
