जनकपुर, ९ असार । रौतहटमा पूर्वपश्चिम राजमार्ग अन्तर्गत चन्द्रपुर नगरपालिका–२ बस दुर्घटनामा १० जना घाइते भएका छन् ।
घाइतेहरुमध्ये ७ जना भारतीय नागरिक रहेको हो । काठमाडौंबाट महोत्तरीतर्फ आउँदै गरेको बागमती प्रदेश ०१–००६ ख ५२१६ नम्बरको को सोमवार बिहान साढे चार बजेतिर आफैं अनियन्त्रित भई दुर्घटना भएको छ ।
रौतहटका प्रहरी प्रवक्ता डिएसपी दीपक रायले बस अनियन्त्रित भएर सडकबाट करिब ७ फिट तल खस्दा सात जना भारतीयसहित १० जना घाइते भएको जनाएको हो । बसमा २५ जना बसमा सवार थिए ।
घाइते हुनेहरुमा भारत सितामढी जिल्ला बस्ने वर्ष ४४ की रेखा देवी, वर्ष २२ की जहदेवी झा, वर्ष ११ का बिसु कुमार पटेल, दरभंगा जिल्ला बस्ने वर्ष २६ का मोहमद अमज र मोहमद अकिल छन् । यस्तै वर्ष ३८ की नरगिस खातुन र वर्ष २ का आयस प्रतिक पनि घाइते भएको डिएसपी रायले जनाए ।
यस्तै धनुषाको क्षिरेश्वरनाथ नगरपालिका– १ का २३ वर्षीय अनुष्का निगम, जनकपुरका ३५ वर्षीया सन्तोषी ठाकुर र महोतरी जलेश्वर नगरपालिका ४ की ४३ वर्षीय पुनम ठाकुर पनि घाइते भएको जिल्ला प्रहरी कार्यालय रौतहटले जानकारी दियो ।
