काठमाडौं, ३ असार । काठमाडौंजाने बाटोको सिन्धुपाल्चोककामा पहिरो र बाढीका कारणले पूर्णरुपमा अवरुद्ध भएका छन् ।
सोमबार रातिको वर्षाका कारण भोटेकोशी गाउँपालिकाका तीन ठाउँमा पहिरो जाँदा पूर्ण रुपमा बन्द भएको प्रहरीले बताएको हो । गाउँपालिकाको वडा २ को कोदारी, ३ को लार्चा र २ कै कोप्लाङमा पहिरो गएको छ ।
खोलाहरूमा बाढी आएको छ । पहिरो पन्छाउने काम जारी रहेकोले राजमार्ग पूर्ण रुपमा बन्द रहेको छ । सडक बन्द भएपछि यात्रु मर्कामा परेका छन् । सवारीसाधन सडकमै लाइन लागेको छ ।
सोमबारदेखि आएको वर्षाका कारण देशका अन्य मुख्य सडकहरु पनि अवरुद्ध भएका छन् । ललितपुरस्थित कान्तिलोकपथ, पूर्वपश्चिम राजमार्गअन्तर्गत बिनयी खोला र गुल्मीस्थित कालिगण्डकी करिडोर पनि अवरुद्ध भएको हो ।
धनकुटाको रवि राके भेडेटार सडक र जुम्लाको जुम्ला–मुगु सडक एकतर्फीमात्र सञ्चालनमा आएका छन् । ण्सडक विभागका अनुसार सबैतिरका सडक खुलाउने प्रयास जारी रहेको हो ।
