जनकपुर, ७ जेष्ट । कमला नगरपालिकामा सडकको खाल्डोमा डुबेर दुई जना दाजुभाईको मृत्यू भएका छन् ।
कमला नगरपालिका वडा नम्बर २ सराबे टोलस्थित मँगलबार स्थानीय रामबाबु साहका ७ बर्षिय रितिक साह र उनका भाई श्यामबाबु साहको ५ बर्षिय छोरा रितिश साहको एकैपटक डुबेर मृत्यू भएको हो ।
नयाँ बाटो बनाउनको लागि छेउमा खनिएको खाल्डो ( नाला) डुबेर दुवै जनाको मृत्यु भएको जिल्ला प्रहरी कार्यालय धनुषाले बताएको छ । करिब १५ दिन अगाडी मात्र निर्माण भएको वडा नं. २ को सराबे टोलस्थित कृषि सडक बनाउन खनिएको खाल्डोमा डुबेर मृत्यु भएको जिल्ल प्रहरी कार्यालय धनुषाले बताएको छ ।
घरबाट बाहिर निस्केका दाजुभाई अबेरसम्म घर नआएपछि खोजबिन सुरु भएको थियो । कहिकतै कसैको घरमा समेत खेल्न गएको अवस्थामा खोज्दा खोज्दै जाँदा मृत अवस्थामा फेला परेको हो । दाजुभाईको मृत्यू भएपछि सिँगो टोल शोकमग्न भएको छ ।
सो सडक बनाउने उपभोक्ता समिति वा ठेकेदारको लापरवाहीको कारण दुई बालकको मृत्यु भएको स्थानीयले जानकारी छ । मृतक दाजुभाईको पोष्टमार्टमको लागि प्रादेशिक अस्पताल जनकपुर लयाएको छ ।
