काठमाडौँ, ७ जेष्ट । काठमाडौँमा आज एउटा बस अनियन्त्रित भई दुर्घटना हुँदा ८ वटा सवारी पल्टीदा ३ जना घाइते भएका छन् ।
काठमाडौँ महानगरपालिका ८ पिङ्लास्थान नजिक सडकखण्डमा गौशालाबाट तिलगंगातर्फ गइरहेको बा ५ ख ६७३५ नम्बरको बाबा गोकर्णेश्वर यातायातको सार्वजनिक बस आफैँ अनियन्त्रित हुदा दुर्घटनामा गाडीहरू पल्टी भएको हो ।
जिल्ला प्रहरी परिसर काठमाडौँका अनुसार उक्त दुर्घटनामा बा ५ ख ६७३५ नम्बरको बाबा गोकर्णेश्वर यातायातको बस, बा ५ ख ७३१ नम्बरको हायस, बा प्र–०१–०२६ च ८५७६ नम्बरको कार, बि एसी ९७७३ नम्बरको कार, बा १६ च ४४५२ नम्बरको कार, प्र–२–०१–००३ प १००५ नम्बरको मोटरसाइकल, बा ५१ प २२ नम्बरको मोटरसाइकल र बा प्र–०२–०४६ प ४८१९ नम्बरको स्कुटरमा क्षति भएको हो ।
उक्त दुर्घटनामा धादिङका राजकुमार श्रेष्ठ, नुवाकोटका विकाश कट्टेल, र खोटाङका शैलेन्द्र राई घाइते भएको छ । अनियन्त्रित भएर पल्टिएको बसका चालक फरार रहेका प्रहरीले बताएको हो ।
