काठमाडौं, २२ वैशाख । इजरायलले रिजर्भ सैनिकलाई युद्धमा ल्याउने गाजामाथि जारी आक्रमणलाई तीव्र पार्न शुरु गरेका छन् ।
गाजामा रहेका बन्धकलाई फिर्ता ल्याउनको लागि इजरायली सुरक्षा बल आईडीएफले र आतंकवादीविरुद्धको निर्णायक कारबाही गर्न भन्दै रिजर्भ सैनिकलाई युद्धमा बोलाएको बीबीसीले जानकारी दिएको छ ।
हमास समूहसँगको युद्धविराम भंग भएपछि इजरायलले जारी राखेको आक्रमणले बन्धकको रिहाइको सम्भावना कमजोर बन्दै गएको विश्लेषण गरिएको छ । साथै प्रधानमन्त्री बेन्जामिन नेतान्याहूको नियतमाथि समेत प्रश्न उठ्न थालेको हो ।
यही समयमा आईडीएफले रिजर्भ सैनिकलाई बोलाउन थालेको हो । आईडीएफले गाजामा जमिनमाथि र जमिनमुनिको सम्पूर्ण संरचना ध्वस्त पार्ने चेतावनी दिइसकेको छ ।
रक्षामन्त्री इजरायल काट्जले यसअघि पटकपटक हमास समूहलाई नर्कको बाटो देखाइदिने चेतावनी दिँदै आएका छन् । आगामी बिहीबार बस्ने सुरक्षा क्याबिनेटले गाजामा अब कस्तो आक्रमण गर्ने भन्नेबारे निर्णय गर्नेछ ।
हाल नेपालका विपीन जोशीसहित ५९ जना हमास समूहको कब्जामा छन् । जसमध्ये २४ जना जिवित रहेको अनुमान छ । तर उनीहरूको रिहाइ अन्योलपूर्ण बनेको छ ।
