जनकपुर, २८ फागुन। सिरहाको नवराजपुर गाउँपालिका–१, भगवतिपुरकी १७ वर्षीया रिंकुकुमारी सदाको सामूहिक बलात्कारको घटना अहिले समाजमा गहिरो चर्चा र विरोधको विषय बनेको छ।
यस घटनामा राज्यको गम्भीर असंवेदनशीलता र लापरवाहीलाई दलित विकास समितिका उपाध्यक्ष राम प्रवेश बैठाले सशक्त ढंगले आलोचना गरेका छन्।
बैठाले पीडितको घरमा पुगेर घटना प्रति आफ्नो गहिरो चिन्ता व्यक्त गर्दै भने, “यस घटनामा राज्यको भूमिका असन्तोषजनक रहेको छ।
पीडित परिवारलाई न्याय दिन र बलात्कारमा संलग्न व्यक्तिहरूलाई कडा कारबाही गर्न सरकारको ओरबाट कुनै ठोस कदम उठाइएको छैन।” उनले यो प्रकरणलाई राज्यको गम्भीर चुकको रूपमा देखिरहेका छन् र यसमा तत्काल प्रतिक्रिया आवश्यक रहेको बताए।
उपाध्यक्ष राम प्रवेश बैठाले यस घटनाले दलित समुदायको असुरक्षा र अधिकारको उल्लङ्घनलाई प्रकट गरेको जनाए। “दलित समुदायलाई अक्सर यस्ता घटना भएको छ जसमा समाज र सरकारले उचित कदम चाल्नेछैन,” भने उनले, “यो घटनाले सरकार र समग्र समाजको गम्भीर असंवेदनशीलता प्रकट गरेको छ।”
समाजका सबै तहबाट बलात्कारको घटनामा कडा कारबाहीको माग भइरहेका बेला, राम प्रवेश बैठाको भनाइले घटनाप्रति राज्यको सम्वेदनशीलता र पहलको आवश्यकता अझ प्रकट गरेको छ।
