काठमाडौं,२८ जेठ । काठमाडौंको त्रिभुवन अन्तर्राष्ट्रिय विमानस्थल नजिकै आज गोली चलेको छ ।
लागुऔषध नियन्त्रण ब्युरोबाट खटिएको प्रहरी टोलीले सिनामंगलस्थित शम्भु मार्गमा लागुऔषधका कारोबारीलाई नियन्त्रणमा लिन गोली चलाएको छ ।
गोली लागेर विकास भगवत घाइते भएका छन् । उपचारका लागि उनलाई केएमसी अस्पताल भर्ना गरिएको छ । लागुऔषध किनबेच भइरहेको सूचना पाएर पुगेको ब्युरोको टोलीविरुद्ध गोली हानिएपछि प्रहरीले जवाफी फायरिङ गरेको एसएसपी गोविन्द थपलियाले जानकारी दिनुभएको छ ।
घाइते विकासको ठेगाना खल्नसकेको छैन’, उनले भने, ‘हामी उनको अभिभावकलाई सम्पर्क गर्ने प्रयास गरिरहेका छौँ ।
उनको घुँडामुनि गोली हानिएको हो । उनका साथमा रहेका केही व्यक्ति भने भाग्न सफल भएको प्रहरीले जनाएको छ ।
