सिन्धुली, १९ जेठ । शुक्रवार मध्यपहाडी राजमार्गअन्तर्गत गोलञ्जोर गाउँपालिका–७ लौकुनबाट जीप सुनकोशी नदीमा खस्दा जीपमा सवार तीन जना बेपत्ता भएका छन् ।
प्राविधिक शिक्षा तथा व्यावसायिक तालिम परिषद् (सीटीईभिटी)का कर्मचारी सवार बा१झ ७४६७ नम्बरको जीप काठमाडौँबाट खोटाङतर्फ जाँदै गर्दा नदीमा खसेको जिल्ला प्रहरी कार्यालय सिन्धुलीका प्रहरी नायव उपरीक्षक चिरञ्जीवी दाहालले जनाएको छ ।
जीपमा चार जना सवार रहेको र एक जना जीवितै सुनकोशी नदीबाट उद्धार गर्न सफल भए पनि बाँकी तीन जनाको अवस्था अज्ञात रहेको दाहालले बताउनुभएको छ ।
गाडीमा सवार रहेकाको पहिचान हुन सकेको छैन । बेपत्ताहरुको खोजीका कार्य भईरहेको जिल्ला प्रहरी कार्यालय सिन्धुलीले जनाएको छ ।
