जनकपुरधाम, १८ जेठ । धनुषा प्रहरीले फेरी चोरी आरोपमा पक्राउ परेका एक युवतीसहित १३ जनालाई सार्वजनिक गरेका छन ।
चोर मुक्त धनुषा अभियान अन्तर्गत पक्राउ परेका थप १३ जनालाई बिहिबार जिल्ला प्रहरी कार्यालयले पत्रकार सम्मेलनको आयोजना गर्दै उनीहरुलाई सार्वजनिक गरिएको छ ।
पक्राउ पर्नेहरुमा १६ वर्षदेखि ३० वर्षसम्मका युवती तथा युवक रहेका छन् । प्रहरीले बजारमा सिक्री तान्ने, साइकल चोर, मोटरसाइकल चोर, मोटर चोर लगायतको चोरीको घटनामा एक युवतीसहित १३ जनालाई सार्वजनिक गरेका छन ।
प्रहरी उपरीक्षक विश्वराज खड्काले धनुषा प्रहरीले चोरलाई समात्न सञ्चालन गरेको अभियान अन्तर्गत यिनीहरुलाई नियन्त्रणमा लिएको बताउनुभएको छ ।
