जनकपुरधाम, ६ जेठ । जिल्ला रौतहटको गौर नगरपालिका ७ सिसवा टोलका ४५ वर्षीय यार महम्मद खानको शुक्रवार राति छुरा प्रहार गरी हत्या गरिएको छ ।
राति १० बजेतिर घर नजिकै छिमेकी शेख सविरले छुरा गर्दा उनको मृत्यु भएको रौतहटा एसपी वीरबहादुर बुढा मगरले जानकारी दिनुभएको छ ।
उनका अनुसार राति सविरसंग समान्य विवाद भएको बेला सविरले बायाँ छातीमा मुटु नजिक छुरा प्रहार गरेका थिए । छुरा प्रहारबाट गम्भीर घाइते खानलाई प्रादेशिक अस्पताल कलैया लैजाने क्रममा बाटोमै मृत्यु भएको प्रहरीले जनाएको छ ।
छुरा प्रहारमा संलग्न दुईजना फरार भएका छन् भने उनीहरुको खोजी कार्य जारी रहेको जिल्ला प्रहरी कार्यालय रौतहटले जानाएको छ ।
