जनकपुरधाम, ६ बैशाख । महोत्तरीमा बसले मोटरसाइकललाई ठक्कर दिँदा एकै परिवारका तीजनाको मृत्यु भएको छ ।
बुधबार करिब १२ बजेको समयमा गौशाला नगरपालिका १ रामनगरको रेल्वे ट्रयाकको २ सय मिटर उत्तरपट्टी बसले मोटरसाइकललाई ठक्कर दिँदा मोटरसाइकलमा सवार एकै परिवारका ३ जनाको मृत्यु भएको जिल्ला प्रहरी कर्याालय महोत्तरीले जनाएको छ ।
गौशाला जाने क्रममा मधेश प्रदेश ०१–००४ प ६८१९ नम्बरको मोटरसाइकललाई सम्सीबाट जनकपुरधाम आउँदै गरेको बा ३ ख २३९६ नम्बरको बसले ठक्कर दिँदा सिरहाको कल्याणपुर नगरपालिका १० बस्ने २६ वर्षीय अमृत मण्डल, उनको श्रीमती २४ वर्षीया अञ्जु मण्डल र भतिजि ६ वर्षीया अन्सु मण्डलको मृत्यु भएको छ ।
