जनकपुरधाम, १ वैशाख । आज वैशाख १ अर्थात् नयाँ वर्ष २०८० साल सुरु भएको छ । आज विक्रम सम्वत २०८० को पहिलो दिन हो ।
नयाँ सालको अवसरमा देश तथा विदेशमा रहेका नेपालीहरुले हर्षोल्लासका साथ एक आपसमा शुभकामना आदानप्रदान गरी यो नाया साल मनाइरहेका छ ।
नयाँ वर्षको अवसरमा मधेश प्रदेशका प्रदेश प्रमुख हरि शंकर मिश्र, मुख्यमन्त्री सरोज कुमार यादब,सभामुख राम चन्द्र मंडल लगायतले शुभकामना सन्देश दिँदै सबै नेपालीको उन्नती प्रगतिको कामना गरेका छन् ।
नयाँ वर्षमा सफलता मिल्ने शुभकामना एक अर्कामा व्यक्तै गर्दै र मिस्ठान्न भोजन, भेटघाट गर्दै आज नयाँ वर्ष विशेष पर्वको रुपमा मनाउने गरेको छ ।
आज बिहानै स्नान गर्ने, घर, कोठा–आँगन सफा गर्ने, मीठोमीठो खाने, साथीसंगी तथा इष्टमित्रसँग भेटघाट गरी एक आपसमा शुभकामना व्यक्त गर्ने गरिन्छ ।
नयाँ वर्षको पहिलो दिन राम्रो सुरुआत भए वर्षभर सफलता मिल्ने जनविश्वास छ ।
