जनकपुरधाम,२९ चैत्र । महोत्तरीको लोहारपट्टी नगरपालिकामा एकजना मजदुरमाथि अमानवीय व्यवहार गरेकोे छ । काम गरेको मजदुरी माग्न जादा लोहारपट्टी नगरपालिका–६ का ठेकेदार कृष्ण मिश्रले स्थानीय मोबारक नदाफलाई दुर्व्व्यवहार गरेको छ ।
प्रहरीका अनुसार ठेकेदार मिश्रले ती कर्मचारीको कपाल मुण्डन गर्नुका साथै कालो मोसो दलेर दुर्व्यवहार गरेकोे जिल्ला प्रहरी कार्यालय महोत्तरीका डिएसपी दीलिपकुमार गिरीले जानकारी दिनुभएको छ ।
घटनाको अर्को दिन सामाजिक सञ्जालमा भिडियो दखेपछि प्रहरीले मिश्रलाई नियन्त्रणमा लिएको छ । उनीविरुद्ध अमानवीय अपमानजनक व्यवहार कसुरमा मुद्दा चलाएको डिएसपी गिरीले बताएका छन ।
अमानवीय व्यवहार गरिएका नदाफ मिश्रले पाएका ठेक्कामा मजदुरी गर्दै आएका थिए । रमजान मनाउन ठेकेदार मिश्रसँग काम गरेको पैसा मागेपछि नदिँदा उनले काम गर्दैगर्दा एउटा औजार लगेका थिए ।
औजार लिएर आएपछि पैसा दिन्छु भन्दै गाउँमै रहेको शिव मन्दिरमा बोलाएर चोरीको आरोप लगाउँदै मिश्रले कुटेको स्थानीयहरुले बताउछन । यो घटना गत चैत २३ को बिहानको हो ।
