जनकपुरधाम, २९ चैत । सिन्धुलीमा कार दुर्घटना हुँदा चारजना भारतीय नागरिकको मृत्यु भएको हो । सिन्धुलीको कमलामाई नगरपालिका–३ गढीगेट नजिक कार मंगलबार राति साढे १२ बजे भारतीय नम्बरप्लेट बी आर ०६ डिडी ०६८७ कार दुर्घटना भएको छ ।
मृत्यु हुने ती चारैजना पुरुष छन् । जिल्ला प्रहरी कार्यालय सिन्धुलीका डीएसपी चिरञ्जीवी दाहालका अनुसार तीन जनाको घटनास्थलमा र एक जनाको उपचारका क्रममा सिन्धुलीको जिल्ला अस्पतालमा मृत्यु भएको छ भने दुर्घटनामा एक जना पुरुष घाइते भएका छन् ।
उनलाई उपचारका लागि धुलिखेल पठाइएको डीएसपी दाहालले बताएका छन ।
